Zubiaurreko plazatik (1) irtengo gara errepidetik, Ibarra auzorantz. Eskuinetara dagoen bidegurutzean Bereza auzora sartuko gara. Auzo hau zeharkatu ondoren, beste bidegurutze bat aurkituko dugu (2) (1 Km) (15'). Bertan eskuinetara joko dugu Garaiko nekazalturismorantz. Ezkerretara jotzen badugu, San Migel Mugarrakoa baselizara irit~iko gara. Izan ere, bertatik jaitsiko gara itzultzean.

    Nekazalturismoa igaro ondoren, lehen bidegurutzean, ezkerreta- ra dagoen zementuzko mendi-bidea hartuko dugu. Mendi-bide honek berehala egingo du gorantz. Mendi-bide honen goiko aldean, jaitsi baino lehen, eskuinetara joko dugu, hartxintxarrezko mendi-bide batean sartzeko (3) (2 Km) (30').

    Bi kilometro egin arte, ez dugu mendi-bide hau utziko. Bertan mendi-bide bat dago ezkerretara eremu lau batean, eta hasieran hareazkoa da. Mendi-bide honek Urizar Muinora eramango gaitu. Bailararen goiko aldetik igaroko gara. Bertan Altube ibaia eta autopista daude. Bertatik autopistaren eta Sta. Marinaren ikuspegi ezin hobea izango dugu. Gorago, ezkerretara mendi-bidea duen bidegurutze batean, Lobantzuren tontorrerantz abiatzeko aukera izango dugu.

    Gorbeiako Parke Naturalaren barruan, Urizar muinoan hain zuzen ere (4) (7,5 Km) (2 ordu 10'), norabide-zutoina aurkituko dugu. Zutoin honek Lobantzu mendiaren bide-zidorretik jaitsi garela adieraziko digu. Gero, Sendegi eta Berazarantz jaitsiko gara, igotzean ezkerretara dagoen mendi-bide batetik. Hala ere, lehenago, eskuineko pagadiaz gozatu ahal izango dugu, edo Kurtzeganera aurrez aurre igo ahal izango gara. Bertatik, Orozkoko bailara osoa eta Itxina Haitza ikusi ahal izango ditugu. Bestela, mendi-bidetik igota, Kolometaren tontorrera abiatu ahal izango gara. Horretarako, seinale gorri eta zuriei jarraituko diegu. Guk, ordea, seinale horiei jarraituko diegu Zubiaurrera jaisteko.

    Mendi-bide nagusi hau utzi gabe, errepide batera irtengo gara. Errepide honek gorantz egiten du Sendegi auzora iritsi arte. Gero, beherantz egiten du eta San Migel Mugarrakoa baselizara iritsiko gara (5) (10,7 Km) (3 ordu). Bertan dugu ibilbide honetako iturri bakarra. 300 m. beherago edo, nekazalturismora joateko bidegurutzea aurkituko dugu. Izan ere, bertatik igo gara (2). Hemendik, etorritako bidetik itzuliko gara. harik eta Zubiaurreko plazara iritsi arte (12 Km) (3 ordu 30').

 

Zona de Kolometa

San Miguel de Mugarraga

Zubiaur